Enugu Palleru: ముళ్ళ జాతికి చెందిన పల్లేరు మొక్కను చూసే ఉంటారు.. దీనిని ఏనుగు పల్లేరు, పెద్ద పల్లేరు చెట్టు అని పిలుస్తూ ఉంటారు.. ఈ మొక్కలో బోలెడు ఔషధగుణాలు ఉన్నాయి.. ఈ చెట్టు కాయలను ఆయుర్వేద వైద్యంలో పూర్వకాలం నుంచి వినియోగిస్తున్నారు..! ఇది కడుపు నొప్పి నుంచి సంతాన సమస్యలు వరకు అనేక రకాల అనారోగ్య సమస్యలను నయం చేస్తుంది..!పెద్ద పల్లేరు కాయలను తెచ్చుకుని ఎండబెట్టి దంచి పొడిచేసుకోవాలి. ఈ పొడి 5 గ్రాములు, వావిలి ఆకు రసం 20 గ్రాములు కలిపి స్త్రీలు ఋతుక్రమం మొదటి రోజు రాత్రి తాగాలి.
ఈ విధంగా వరుసగా ఏడు రోజులపాటు తీసుకుంటూ భర్త తో సంసారం చేస్తే సంతానం కలుగుతుందని ఆరోగ్య నిపుణులు చెబుతున్నారు. ఈ చెట్టు మొత్తం భాగాన్ని తీసుకువచ్చి దంచి రసం తీయాలి .ఈ రసానికి రెండు రెట్లు పటిక బెల్లం పొడిని కలిపి మరిగించాలి. బాగా పాకం వచ్చాక దానిని ఒక గాజు సీసాలో నిల్వ చేసుకోవాలి. ఈ పాకాన్ని ఒక చెంచా తియాసుకుని ఒక గ్లాసు గోరువెచ్చని నీటిలో కలిపి రోజు పరగడుపున తీసుకుంటే కాలేయ రోగాలు, అతివేడి, ఒళ్ళు మంటలు తగ్గిపోతాయి. శరీరంలో వేడిని తగ్గించి శరీరానికి చలువ చేస్తుంది. రక్తాన్ని శుద్ధి చేస్తుంది.
ఈ చెట్టు కాయలు కషాయం తాగితే డయేరియా సమస్యలు తగ్గిపోతాయి. ఈ చెట్టు ఆకులలో యాంటీ బాక్టీరియల్, యాంటీ వైరల్ గుణాలను కలిగి ఉంది. ఈ చెట్టు ఆకులను దంచి ఆ మిశ్రమాన్ని దురద, గజ్జి, తామర ఉన్నచోట రాస్తే అన్ని రకాల చర్మ సంబంధిత సమస్యలు తగ్గుతాయి. పెద్ద పల్లేరు కాయల చూర్ణం ఒక గ్లాస్ గోరు వెచ్చని పాలలో కలిపి తీసుకుంటే వీర్య కణాలు వృద్ధి చెందుతాయి. శృంగార సామర్థ్యాన్ని పెంచుతుంది.