Health Benefits : కదంబ చెట్టును మనలో చాలా మంది చూసే ఉంటారు.. ఈ చెట్టును కడిమి అని కూడా పిలుస్తారు.. అయితే ఈ చెట్టులో ఉన్న ఔషధ గుణాల గురించి ఎక్కువ మందికి తెలియకపోవచ్చు.. కదంబం పువ్వులను దేవతారాధనకు ఉపయోగిస్తారు. విశేషంగా ఈ పూలతో లలితాదేవికి పూజిస్తే తాము కోరుకున్న కోరికలు నెరవేరుతాయని ప్రతీతి.. ఈ చెట్టు వలన ఎటువంటి అనారోగ్య సమస్యలు దూదిపించెలా ఎగిరిపోతాయో ఇప్పుడు చూద్దాం..!కదంబం చెట్టు పండ్ల లో అనేక రకాలైన ఆల్కలాయిడ్స్ గుణాలు ఉన్నాయి. ఈ పండ్లు ఫుడ్ పాయిజన్ కు చెక్ పెడతాయి.
వరుసగా పదిహేను రోజుల పాటు ఈ చెట్టు పండ్లను రోజుకు ఒకటి చొప్పున తీసుకుంటే.. ఫుడ్ పాయిజన్ నుంచి మనల్ని బయటపడేస్తుంది. ఈ పండ్లను తరచూ తీసుకుంటే బాలింతలలో పాలను వృద్ధి చెందేలా చేస్తుంది. ఈ పండ్లలో ఉండే యాంటీ ఆక్సిడెంట్స్ రోగ నిరోధకశక్తిని పెంపొందిస్తాయి. ముసలి వారు ఈ పండ్లను తీసుకుంటే అలసట, నీరసం, నిస్సత్తువను తగ్గించి తక్షణ శక్తిని అందిస్తాయి.కదంబం చెట్టు బెరడు పొడిలో కొద్దిగా రోజ్ వాటర్ కలిపి ముఖానికి రాసుకుంటే.. ముఖంపై ఉన్న మొటిమలు, మచ్చలను తొలగించి ముఖాన్ని ప్రకాశవంతంగా చేస్తుంది.
ఈ చెట్టు బెరడు పొడిలో జీలకర్ర, పంచదార కలిపి తీసుకుంటే ఫుడ్ పాయిజన్ సమస్యనుంచి వెంటనే ఉపశమనం లభిస్తుంది. ఈ చెట్టు బెరడు కషాయం తయారుచేసుకొని తాగితే మూత్రంలో మంట, ఇన్ఫెక్షన్స్ వంటి మూత్ర సంబంధిత సమస్యలకు సమస్యలు తొలగిపోతాయి. ఈ చెట్టు ఆకులను ఎండబెట్టి దంచి పొడి చేసుకోవాలి. ఈ పొడితో పళ్లు తోముకుంటే దంత సమస్యలు నయమవుతాయి. ఈ చెట్టు ఆకులను ముద్దగా నూరి కొని ఆ మిశ్రమాన్ని గాయాలుు, పుండ్లు ఉన్నచోట రాస్తే అవి త్వరగా మానిపోతాయి. ఈ చెట్టు ఆకుల కషాయం తాగితే రుతు సంబంధిత దోషాలు తొలగిస్తుంది.
