Hair Problem : జుట్టు ఒత్తుగా, పొడవుగా ఉండాలని ప్రతి మహిళ కోరుకున్నట్టుగానే పురుషులు కూడా తమ జుట్టును స్టైలిష్ గా మార్చుకోవటానికి ఎన్నో ప్రయత్నాలు చేస్తూ ఉంటారు. ఇక పోతే ఈ చుండ్రు సమస్య వల్ల ఎన్నో రకాలుగా ఇబ్బందులు పడుతూ వుంటారు. అయితే ముందుగా మనం ఈ చుండ్రు రావడానికి గల కారణాలు ఏంటో తెలుసుకుంటే చుండ్రు సమస్య రాకుండా చేయగలము. సాధారణంగా ఈ సమస్య వచ్చిన తర్వాత దానికి మార్గాలు వెతుక్కోవడం కన్నా సమస్య ఎలా వచ్చిందో తెలుసుకుంటే ఈ సమస్యను సులభంగా పరిష్కరించుకోవచ్చు. అయితే చుండ్రు సమస్యతో బాధపడేవారికి ఈ ఆర్టికల్ వాట్స్అప్ ద్వారా షేర్ చేయండి. చుండ్రు రావడానికి గల ప్రధాన కారణం ఏమిటో ఇప్పుడు ఒకసారి తెలుసుకుందాం..
ఫంగల్ ఇన్ఫెక్షన్ : ఇతరులతో దువ్వెన పంచుకోవడం వల్ల ఫంగల్ ఇన్ఫెక్షన్ వ్యాపిస్తుందట. తరచూ తలస్నానం చేయకపోవడం, తలపై చెమట పేరుకుపోవడం వల్ల ఫంగల్ ఇన్ఫెక్షన్ అయ్యే ప్రమాదం కూడా ఉంటుంది.. కాబట్టి ఇతరులతో దువ్వెనలు, టవల్ లాంటివి పంచుకోవద్దు.
తలస్నానం చేయకపోవడం : చాలామందికి తలస్నానం చేయడం అంటే చిరాకుగా అనిపిస్తూ ఉంటుంది . అందుకే వాళ్ళు కేవలం వారానికి ఒకసారి మాత్రమే తల స్నానం చేస్తారు . అయితే తలస్నానం చేయకపోవడం వల్ల పర్యావరణం లో ఉండే దుమ్ము, ధూళి అన్ని జుట్టు పై పేరుకుపోయి, ఫలితంగా చుండ్రు వచ్చే అవకాశాలు ఎక్కువ. కాబట్టి వారానికి కనీసం రెండు సార్లయినా శుభ్రంగా తలస్నానం చేయడం మంచిది.
షాంపూలను సరిగ్గా కడగకపోవడం : చాలామంది ఎక్కువ షాంపూ తో తలస్నానం చేస్తూ ఉంటారు..ఇలా చేయడం వల్ల స్కాల్ఫ్ మీద షాంపూ పేరుకుపోయి బ్యాక్టీరియా కూడా ఫామ్ అవుతుంది . ఫలితంగా చుండ్రు వచ్చే అవకాశాలు ఎక్కువ కాబట్టి షాంపూ తో స్నానం చేసినప్పుడు శుభ్రంగా షాంపు తొలగిపోయే వరకు స్నానం చేయండి.