Prabhas-Mahesh :యంగ్ రెబల్ స్టార్ ప్రభాస్ రాముడిగా చేస్తున్న పౌరాణిక చిత్రం ఆదిపురుష్. ఇది 2023 సంక్రాంతి కానుకగా ప్రేక్షకులకు అందించాలి అనే ఉద్దేశ్యం తో జనవరి 12న రిలీజ్ డేట్ గా చాల కాలం ముందే అనౌన్స్ చేసారు. కానీ ఇప్పుడు పరిస్థితులన్నీ తారుమారవడం తో ఆదిపురుష్’ ని సంక్రాతి బరి నుంచి వెనక్కు తీసుకున్నారు అని తెలుస్తుంది. బాక్సాఫీస్ దగ్గర వచ్చేఘర్షణని ని తగ్గించడానికో లేదంటే టీజర్ పై వచ్చిన ట్రోల్స్ వలనో లేదా ఇతర కారణాల వల్లనో ఆదిపురుష్ సంక్రాంతికి రావడం లేదు అనే వార్తలు ఎక్కువగానే వినిపిస్తున్నాయి. అయితే ఇప్పుడు వాయిదా వేస్తే మళ్ళీ ఎప్పటికి రిలీజ్ చేస్తారనే అంశం మీద చర్చలు జరుగుతున్నాయి.
ఈ సినిమా నేపథ్యానికి అనుగుణం గా ‘ఆదిపురుష్’ ను శ్రీరామ నవమి సందర్భంగా మార్చి నెలాఖరున విడుదల చేసే అవకాశం కూడా ఉందని తెలుస్తుంది. అయితే ఇక్కడా ఉన్న సమస్య ఏమిటంటే మార్చి 30న నాని చేసిన పాన్ ఇండియా మూవీ దసరా రిలీజ్ చేయాలి అని చాలా రోజుల క్రితమే ఆ డేట్ ని బ్లాక్ చేసిపెట్టుకున్నారు. అదీ కాకుండా అదే వారంలో కొన్ని బాలీవుడ్ సినిమాలు కూడా వచ్చే ఛాన్స్ కనబడుతుంది. కాబట్టి ఆదిపురుష్ 2023 ఏప్రిల్ లేదా మే నెలలో రిలీజ్ చేయడానికి చూస్తున్నట్లు తెలుస్తుంది. వేసవిలో ఏప్రిల్ 28న ప్రభాస్ సినిమా రిలీజ్ చేయడం కోసం చూస్తున్నారట. అయితే త్రివిక్రమ్ దర్శకత్వంలో మహేష్ బాబు నటిస్తున్న SSMB28 సినిమా 2023 ఏప్రిల్ 28న వరల్డ్ వైడ్ గా రిలీజ్ ఉంటుంది అని మేకర్స్ ఇప్పటికే ప్రకటించి ఉన్నారు. కొన్ని కారణాల వలన ఇప్పుడు ఆ షూటింగ్ కూడా ఆలస్యం అవడం తో అనుకున్న సమయానికిరిలీజ్ కాక పోవచ్చు అనే అనుమానం బలంగా ఉంది.