Health : తెలంగాణ రాష్ట్రంలో అతి పెద్ద పండుగలలో బతుకమ్మ ఒకటి. ప్రపంచవ్యస్తంగా పూలను పూజించేది ఒక తెలంగాణ రాష్ట్రం మాత్రమే. బతుకమ్మ పండుగ అంటేనే అందరికీ గుర్తొచ్చేది పూలు. ఆ పూలలో తంగేడు పువ్వు ఒకటి. సాధారణంగా తంగేడు పువ్వు లేనిదే బతుకమ్మను పేర్చరు. బతుకమ్మను పేర్చడానికి తంగేడు పువ్వుకు ప్రథమ స్థానం. ఉంటుంది. కానీ ఈ తంగేడు ఆకు, పువ్వులతో ఎన్ని ప్రయోజనాలు ఉన్నాయో ఎవ్వరికీ తెలియకపోవచ్చు. అయితే ఈ తంగేడు ఆకు, పువ్వులతో ఎన్నో పోషక విలువలు ఉండటం వల్ల మన ఆరోగ్యానికి ఎన్నో ప్రయోజనాలు వస్తాయి.
ఈ పువ్వు యాంటీఆక్సిడెంట్ల యొక్క సహజ వనరు. ఈ పూల సారంలో టానిన్లు, ఫ్లేవనాయిడ్లు, సపోనిన్లు, టర్పైనాయిడ్లు, కార్డియాక్ గ్లైకోసైడ్లు స్టెరాయిడ్లు ఉంటాయి. ఈ పూలలో ఉండే సారం వలన మధుమేహం నుండి ఉపశమనం పొందవచ్చును. ఈ తంగేడు పూల సారం సపోనిన్లు కలిగి ఉంటుంది. ఇది అనేక రకాల వ్యాధుల చికిత్సకు ఉపయోగ పడుతుంది.
మహిళల్లో ముఖ్యంగా యూరినరీ ట్రాక్ ఇన్ఫెక్షన్ ను నివారించే గుణాలు ఈ పువ్వులు కలిగి ఉంటాయి. ఇది అంటు వ్యాధులను నయం చేస్తుంది. ఇది శరీరం నుండి హానికారమైన విషాన్ని పోగొడుతుంది. మలబద్దకాన్ని నివారించడంలో ఈ తంగేడు పువ్వు మందుగా పనిచేస్తుంది. తంగేడు పువ్వు టీ ను తాగడం వల్ల మలబద్ధకంతో బాధపడేవారు ప్రయోజనం పొందవచ్చు. మహిళలకు రుతుచక్రం క్రమరహితంగా అనుభవించే వారికి ఈ తంగేడు పువ్వు టీ బాగా పనిచేస్తుంది. ఈ తంగేడు పువ్వు మనలో ఉండే అదనపు కొవ్వును కరిగించడానికి ఉపయోగపడుతుంది. ఇదే కాక ఆరోగ్యకరమైన శరీర ఆకృతి రావడానికి ఈ పువ్వు బాగా పని చేస్తుంది. ఇంకా రక్తంలో ఉండే కొలెస్ట్రాల్ను తగ్గించడానికి సహాయపడుతుంది. ఈ పువ్వు చర్మ సమస్యల చికిత్సలో సహాయపడుతుంది. ఈ పువ్వును ఫేస్ ఫ్యాక్ లాగా ఉపయోగించవచ్చు.ఇది నల్లటి మచ్చలను నివారించడమే కాక చర్మ ఛాయను కూడా మెరుగు పరుస్తుంది.
అయితే ఈ పువ్వులను టీగా తీసుకోవడం. ఉత్తమమైనది. ఇది నిర్జలీకరణాన్ని కూడా నివారింపచేస్తుంది. ఈ టీను ఎలా తయారుచేసుకోవాలంటే — ఎండిన తంగేడు పువ్వులను తీసుకోవాలి. నల్లని మిరియాల పొడిని తీసుకొని, ఈ పౌడర్ని పాలల్లో మరిగించి తాగాలి. మీరు దీనిని సూప్ త్రాగాలనుకుంటే మాత్రం తాజాగా ఉండే తంగేడు పూలను శుభ్రంగా కడిగి, అన్ని పదార్థాలను బ్లెండర్ లో వేసి 1 ఒక కప్పు నీటితో మెత్తగా పేస్ట్ లాగా గ్రైండ్ చేయండి. ఇంకా మిగిలిన నీటిని వేడి చేసి గ్రైండ్ చేసిన మిశ్రమాన్ని వేసి బాగా మరిగించాలి. దీని నెమ్మదిగా 3 కప్పుల సూప్ అయ్యే వరకు మరిగించండి. మిరియాలు,ఉప్పు వేసి స్టవ్ ఆఫ్ చేయండి. ఇక మీ సూప్ తయారైనట్టే.
