Bigg Boss 6 Telugu : బుల్లితెర ప్రేక్ష‌కుల‌ని ఎంత‌గానో అల‌రిస్తున్న రియాలిటీ షో బిగ్ బాస్ కార్య‌క్ర‌మం తెలుగులో ఐదు సీజ‌న్స్ పూర్తి చేసుకొని ప్ర‌స్తుతం ఆరో సీజ‌న్ జ‌రుపుకుంటుంది. అయితే ఎన్నో అవాంత‌రాల న‌డుమ బిగ్ బాస్ షో న‌డుస్తుంది. ఈ షోకి చాలా మంది నుండి వ్య‌తిరేఖ‌త ఎదుర‌వుతుంది. ఈ షోపై ప‌లు పిటీష‌న్స్ దాఖలు కాగా, మంగళవారం హైకోర్టు విచారణ జరిపింది. ఈ షోకు సంబంధించిన పూర్తి వివరాలు సమర్పించాలని కేంద్ర, రాష్ట్ర ప్రభుత్వాలను ఆదేశిస్తూఈనెల 27కి విచారణను వాయిదా వేసింది. అయితే ఈ షోలో ఏం జరుగుతుందో తెలుసుకోవడానికి ముందు ఒకటి రెండు ఎపిసోడ్స్ చూస్తామని కూడా కోర్ట్ తెలిపింది.
Bigg Boss 6 Telugu : ఏం జ‌రుగుతుంది..
నిర్మాత, సామాజిక కార్యకర్త కేతిరెడ్డి జగదీశ్వరరెడ్డి వేసిన పిటీష‌న్ ప్రకారం ఈ విచారణ సాగింది. ఈ కార్యక్రమానికి సెన్సార్ కూడా చేయ‌డం లేద‌ని, షోలో పాల్గొనే మహిళలకు గర్భధారణ పరీక్షలు చేస్తున్నారని ఆరోపించారు. అయితే నిబంధనల ప్రకారం ఇలాంటి వాటిని రాత్రి 11 నుంచి ఉదయం 5 గంటలలోపు ప్రసారం చేయాలి, కానీ విరుద్దంగా రాత్రి 9 నుంచి ప్రసారం చేస్తున్నారని.. సెన్సార్ బోర్టు ఎలాంటి చర్యలు తీసుకోవడం లేదంటూ పిటీష‌న్ లో పేర్కొన్నారు. ఈ షో ప్రదర్శనను వెంటనే ఆపేయాలని కోరారు. అయితే పిటిషనర్ తరపు న్యాయవాది వాదనలు విన్న హైకోర్టు స్పందిస్తూ.. ” ఇటీవల నిర్వాహకులే ప్రచారం కోసం ఇలాంటి వివాదాలు సృష్టించుకుంటున్నారని.. అందులో భాగంగానే ఈ వ్యాజ్యం దాఖలు చేశారా ? ” అని ప్రశ్నించింది కోర్టు
అయితే ఏపీ హైకోర్ట్ ఇందులో ఎంట‌ర్ కావ‌డంతో నాగార్జున, మాటీవీతో గుండెల్లో అల‌జ‌డి మొద‌లైంది. స‌క్సెస్ ఫుల్‌గా సాగుతున్న ఈ షోకి ఇలాంటి స‌మ‌స్య‌లు ఎదురు కావ‌డం వ‌ల‌న ఏదైన ఇబ్బంది క‌లుగుతుందా అనే ఆలోచ‌న‌లో వారు ఉన్న‌ట్టు తెలుస్తుంది. గ‌తంలో ప‌లు స‌మ‌స్య‌లు ఎదురైన కూడా నాగార్జున, మాటీవీ వాటిని ధీటుగా ఎదుర్కొని షోల మీద షోలు చేస్తుంది. మ‌రి ఈ సారి ఎదురైన ఈ స‌మ్య‌ల‌ను ఎలా ఎదుర్కొంటారా అనేది ప్ర‌స్తుతం చ‌ర్చ‌నీయాంశంగా మారింది. ఇదిలా ఉంటే నాగార్జున‌పై నారాయ‌ణ నిప్పులు చెరుగుతుండ‌గా, నాగ్ నారాయ‌ణ నారాయ‌ణ అంటూ అత‌నికి ఇన్‌డైరెక్ట్ పంచ్‌లు విసురుతున్న విష‌యం తెలిసిందే.
