Health Care : వర్షాకాలంలో ఈ ఆరోగ్య జాగ్రత్తలు తప్పనిసరి..!!

Health Care :  ప్రస్తుతం ఎక్కడ చూసినా వర్షాలు భీకరంగా గర్జిస్తున్నాయి. ఎక్కడ చూసినా వరదలు, వాగులు పొంగిపొర్లుతున్న నేపథ్యంలో ప్రజలు భయాందోళనలకు గురి అవుతున్నారు .. ఒకవైపు వర్షం మరొకవైపు అనారోగ్య సమస్యల కారణాల వల్ల మరెన్నో తీవ్రమైన ఇబ్బందులను ఎదుర్కోవాల్సి ఉంటుంది. అందుకే ఈ వర్షాకాలంలో జాగ్రత్తలు తప్పనిసరిగా పాటించాలి. అందులోనూ ఆహారం విషయంలో ప్రత్యేక జాగ్రత్తలు వహించాలి.. లేకపోతే ఎన్నో అనారోగ్య సమస్యలకు గురి కావాల్సి ఉంటుంది. ఇకపోతే వర్షాకాలంలో ఆరోగ్యంగా ఉండాలి అంటే ఆహారం వండడానికి ముందు.. తినడానికి ముందు తప్పనిసరిగా చేతులు, కాళ్లు శుభ్రంగా కడగాలి . ఫలితంగా సూక్ష్మక్రిముల వ్యాప్తిని నివారించవచ్చు.

ఇక వంట చేసేటప్పుడు అలాగే తాగడానికి పరిశుభ్రమైన నీటిని ఆహార పదార్థాలను మాత్రమే ఉపయోగించాలని నిపుణులు తెలియజేస్తున్నారు. కూరగాయలు, పచ్చి పండ్లు, ఉడికించని మాంసం పై హానికరమైన సూక్ష్మ క్రిములు ఉండే ప్రమాదం ఉంటుంది. కాబట్టి వీటిని శుభ్రంగా కడగడం, చెక్కుతీయడం, తగినంత సమయం లో ఉడికించడం లాంటిది చేయాలి. అంతేకాదు ఆహార పదార్థాలను పూర్తిగా ఆవిరిపై ఉడికించిన తర్వాతనే తినాలి. ఇక తినే సమయానికి ఆహార పదార్థాలు చల్లారిపోతే మళ్లీ ఒకసారి వేడి చేయకూడదు. పోషక విలువలు ఉన్న తాజా ఆహార పదార్థాలను వెంటనే భుజించడం అలవాటు చేసుకోవాలి.

అలాగే మీరు బయట మార్కెట్ నుంచి తెచ్చుకునే ఆహార పదార్థాలు ఏదైనా సరే కాల పరిమితి ముందుగా చెక్ చేయాలి. సమయానుసారం భోజనం చేయాలి. రాత్రి త్వరగా భోజనం చేసేసి భోజనానికి , నిద్రకూ కనీసం రెండు గంటల సమయం ఉండాలి. రాత్రిపూట త్వరగా నిద్ర పోవాలని కూడా ఆరోగ్య నిపుణులు సూచిస్తున్నారు. మన శరీరంలో రోగనిరోధక శక్తిని పెంపొందించుకోవడానికి విటమిన్ సి , యాంటీ యాక్సిడెంట్స్ అలాగే కొన్ని రకాల పోషకాలు ఉన్న ఆహార పదార్థాలను తీసుకోవాలని కూడా సూచిస్తున్నారు. ఇకపోతే మీ ఇంటి చుట్టుపక్కల పరిసరాలు కూడా శుభ్రంగా ఉంచుకోవాలి. నీటిని ఎక్కువగా నిల్వ చేసుకోకూడదు. లేకపోతే దోమల సంఖ్య పెరిగిపోయి డెంగ్యూ, మలేరియా, టైఫాయిడ్ వంటి సమస్యలు వచ్చే అవకాశం ఉంది. కాబట్టి మీ ఇంటిని చుట్టుపక్కల పరిసరాలను శుభ్రంగా ఉంచుకోవాలి.