Samantha : జాక్ పాట్ కొట్టిన సమంత : మహేష్ – రాజమౌళి ఇంటర్నేషనల్ సినిమా లో హీరోయిన్ ఛాన్స్ !

Samantha : తాజాగా అందుతున్న సమాచారం ప్రకారం పాన్ ఇండియా నంబర్ వన్ హీరోయిన్ గా గుర్తింపు తెచ్చుకున్న సమంత జాక్పాట్ కొట్టినట్లు తెలుస్తోంది. మహేష్ బాబు – రాజమౌళి కాంబినేషన్లో తెరకెక్కుతున్న పాన్ ఇండియా సినిమాలో హీరోయిన్ గా అవకాశాన్ని దక్కించుకుందట సమంత. ఇదివరకే మహేష్ బాబు పరశురాం దర్శకత్వంలో సర్కారు వారి పాట సినిమా పూర్తి చేసుకుని.. త్రివిక్రమ్ దర్శకత్వంలో ఒక సినిమాను తెరకెక్కిస్తున్న విషయం తెలిసిందే. ఇక ఈ సినిమా షూటింగ్ ఇప్పటికే మొదటి షెడ్యూల్ పూర్తిచేసుకుని, రెండవ షెడ్యూలు కూడా త్వరలోనే ప్రారంభం కానుంది. ఇక ఈ సినిమా ఎంత వీలైతే అంత త్వరగా పూర్తి చేసి విడుదల చేయాలని త్రివిక్రమ్ కూడా ఆలోచనలో ఉన్నట్లు సమాచారం. ఇక ఇందులో పూజా హెగ్డే హీరోయిన్ గా నటిస్తోంది.

మరొకవైపు మహేష్ బాబు.. రాజమౌళితో పాన్ ఇండియా చేస్తున్నట్లు ఇప్పటికే ప్రకటించారు. ఇక ఆఫ్రికా అడవుల నేపథ్యంలో తెరకెక్కబోతున్న ఈ సినిమా మహేష్ బాబు జీవితంలోనే మరొక మైలురాయిగా మిగిలిపోతుందని ఈ సినిమాకి రచయిత.. రాజమౌళి తండ్రి విజయేంద్ర ప్రసాద్ వెల్లడించారు. ఇప్పటికే సినిమాకు సంబంధించి స్క్రిప్ట్ వర్క్ మొత్తం పూర్తయింది. ఇక త్రివిక్రమ్ శ్రీనివాస్ తో సినిమా పూర్తవగానే ఈ సినిమా మొదలుపెట్టబోతున్నారు. ఇక ఇందులో హీరోయిన్ కోసం వెతుకలాటలో భాగంగా హీరోయిన్ సమంతను తీసుకున్నట్లు సమాచారం. ఇదివరకే సమంత మహేష్ బాబు సరసన సీతమ్మ వాకిట్లో సిరిమల్లె చెట్టు, బ్రహ్మోత్సవం వంటి సినిమాలలో నటించింది . ఇప్పుడు ఏకంగా ఆయన సరసన పాన్ ఇండియా సినిమాలో అవకాశాన్ని దక్కించుకోవడంతో ఆమె అభిమానులు హర్షం వ్యక్తం చేస్తున్నారు.

ఇకపోతే సమంత తన భర్త నుంచి దూరమైన తర్వాత వరుసగా బ్యాక్ టు బ్యాక్ సినిమాలను ప్రకటిస్తూ విడుదలకు సిద్ధంగా ఉంచుతోంది. ఇప్పటికే ఈమె నటించిన లేడీ ఓరియంటెడ్ చిత్రాలైన యశోద, శాకుంతలం సినిమాలను కూడా విడుదలకు సిద్ధంగా ఉన్నాయి. మరొకవైపు విజయ్ దేవరకొండ తో కలిసి ఖుషి సినిమాలో నటిస్తోంది. ఇక బాలీవుడ్ లో కూడా కొన్ని ప్రాజెక్టులకు గ్రీన్ సిగ్నల్ ఇచ్చినట్లు సమాచారం. ఏది ఏమైనా ఎట్టకేలకు మహేష్ బాబు సినిమాలో అవకాశాన్ని దక్కించుకొని మరో అడుగు ముందుకేసింది సమంత.