Gannavaram Politics : గన్నవరం. ఇప్పుడు ఎక్కడ విన్నా ఈ పేరే మారుమొగుతోంది. టీడీపీ కార్యాలయంపై జరిగిన దాడితో మరోసారి వార్తల్లో నిలిచిందీ ప్రాంతం. ఎమ్మెల్యే వల్లభనేని వంశీ కనుసన్నాల్లోనే టీడీపీ కార్యాలయంపై దాడులు జరిగాయని టీడీపీ ఆరోపిస్తోన్న విషయం తెలిసిందే. సైకిల్ బొమ్మపై గెలిచి, కన్న తల్లి లాంటి పార్టీకి వంశీ మోసం చేశాడంటూ విమర్శలు గుప్పిస్తున్నారు. ఇదిలా ఉంటే వచ్చే ఎన్నికల్లో వంశీ గన్నవరం నుంచి వైసీపీ తరపున పోటీ చేసేందుకు సిద్ధమవుతున్నారు. తానే వైసీపీ తరపున గన్నవరం నుంచి బరిలో ఉంటానని ఆయన ఇప్పటికే ప్రకటించారు కూడా.
దీంతో గన్నవరం బరిలో నిలబడే టీడీపీ అభ్యర్థి ఎవరనేది ఇప్పుడు సర్వత్రా చర్చనీయంశంగా మారింది. ప్రస్తుతం గన్నవరం టీడీపీ ఇంఛార్జ్గా ఉన్న ఆ పార్టీ నేత బచ్చుల అర్జునుడు అనారోగ్యం బారిన పడి ఆసుపత్రిలో చికిత్స పొందుతున్నారు. ఈ తరుణంలో గన్నవరంలో వంశీకి ఎలాగైనా చెక్ పెట్టాలనే ఉద్దేశంతో ఉన్న టీడీపీ అధిష్టానం దేవినేని కుటుంబానికి చెందిన యువ నాయకుడిని బరిలోకి దింపేందుకు సిద్ధమైనట్లు తెలుస్తోంది. రాజకీయ వర్గాల్లో జరుగుతోన్న చర్చ ఆధారంగా ప్రస్తుతం విజయవాడ టీడీపీలో కీలకంగా ఉన్న దేవినేని చంద్రశేఖర్(చందు)ను గన్నవరం నుంచి బరిలోకి దించేందుకు టీడీపీ అధిష్టానం కసరత్తు చేస్తున్నట్లు సమాచారం.
దేవినేని చందును గన్నవరం నుంచి బరిలోకి దింపడం వెనకాల టీడీపీ అధిష్టానానికి ఓ స్పష్టత ఉన్నట్లు సమాచారం. ప్రస్తుతం చందు తెలుగు యువత రాష్ట్ర ప్రధాన కార్యదర్శిగా పార్టీకి సేవలందిస్తున్నారు. 2012లో టీడీపీలో చేరిన చందు పార్టీలో క్రియాశీలక పాత్ర పోషిస్తూ వస్తున్నారు. ఆయన సేవలను గుర్తించిన పార్టీ అధిష్టానం తొలుత విజయవాడ అర్బన్ తెలుగు యువత అధ్యక్షుడిగా, ఆ తర్వాత ఉమ్మడి కృష్ణాజిల్లా తెలుగు యువత అధ్యక్షుడిగా నియమించారు. ఆ తర్వాత తెలుగు యువత రాష్ట్ర కమిటీ ప్రధాన కార్యదర్శిగా కీలక బాధ్యతలు అప్పగించారు.
ఇక తాజాగా గన్నవరంలో ఎమ్మెల్యే టికెట్ ఇవ్వాలని ఫిక్స్ అయినట్లు సమాచారం. ఈసారి 40 శాతం మంది యువతకే సీట్లు అని చంద్రబాబు పలుసార్లు చేసిన ప్రకటన కూడా గన్నవరం సీటు దేవినేని చందుకే అనే వార్తలకు బలం చేకూరుస్తున్నాయి. మరి ఈసారి గన్నవరం బరిలో దేవినేని చందు దిగనున్నారో లేదో తెలియాలంటే చంద్రబాబు అధికారికంగా ప్రకటించే వరకు వేచి చూడాల్సిందే.
Ntv Exclusive Interview With Modi : తెలుగు మీడియా చరిత్రలో ఇది నిజంగా పెను సంచలనమే. ప్రధాని తెలుగు…
డాక్టర్ మీనాక్షి అనుపిండి.. నార్త్ అమెరికాలోని టెక్సాస్ రాష్ట్రంలో డల్లాస్ నగరంలో పేరుపొందిన శాస్త్రీయ సంగీత శిక్షకురాలు మరియు సుస్వర…
YS Jagan-Bonda Uma : విజయవాడ సెంట్రల్ నియోజకవర్గంపై వైఎస్సార్సీపీ అగ్ర నేతలు గురి పెట్టారా..? వెల్లంపల్లి నివాసంలో బొండా…
CM Ramesh - Raghuramakrihnaraju : 2019లో వైయస్ జగన్ హవాలో గెలిచిన వారిలో రఘురామకృష్ణ రాజు ఒకరు. ఆ…
In the Belly of a Tiger: I had the privilege of viewing "In the Belly…
Numorology: 2023 వ సంవత్సరం మరో 10 రోజులలో ముగియనుంది. ఈ సంవత్సరం ఒక విధంగా అందరికీ కలిసి వచ్చిందని…
This website uses cookies.