Big Boss 6 Telugu : కోర్టులో జడ్జిగారి ముందు టీవీలో బిగ్ బాస్ షో .. వింతలకే వింత ఇది.?

Big Boss 6 Telugu :  బుల్లితెరపై ప్రసారమవుతున్న బిగ్ బాస్ షో సక్సెస్ ఫుల్ గా 5 సీజన్లను పూర్తిచేసుకుంది.. ప్రస్తుతం ఆరో సీజన్ నడుస్తుంది.. ఈ సీజన్ కూడా నాగార్జున హోస్ట్ గా వ్యవహరిస్తున్నారు.. ఈ రియాలిటీ షో సెప్టెంబర్ 4 నుంచి ప్రారంభమైంది.. అయితే తాజాగా ఈ షోను నిలిపివేయాలని.. ఏపీ హైకోర్టులో అడ్వకేట్ కేతిరెడ్డి జగదీశ్వర్ రెడ్డి పిటిషన్ వేయగా ఆ పిటిషన్ పై కోర్టు స్పందించింది..!

ఈ రియాలిటీ షోలో అశ్లీలత ఎక్కువైందని.. ఈ క్రమంలో ఈ షోను చట్టం ప్రకారం రాత్రి 11 నుంచి ఉదయం 5 మధ్యే.. ప్రసారం చేయాలని పిటిషన్ వేశారు. ఈ షోను నిలిపివేయాలనీ కె జగదీశ్వరరెడ్డి హైకోర్టులో వేసిన పిటీషన్ పై స్పందించిన కోర్టు.. రెండు, మూడు ఎపిసోడ్స్ చూస్తామని, ఆ తర్వాత తీర్పును ప్రకటిస్తామని తెలిపింది. అసలు బిగ్ బాస్ షోలో ఏముందో తెలుసుకుంటామని తెలిపింది కోర్టు. ఈ షో అశ్లీలంగా ఉందని ఫైల్ అయిన పిల్స్‌ను చీఫ్‌ జస్టిస్‌ పికె మిశ్రా, జస్టిస్‌ డివిఎస్‌ఎస్‌ సోమయాజులుతో కూడిన డివిజన్‌ బెంచ్‌ నిన్న మంగళవారం విచారణ జరిపింది. అందులో భాగంగా బిగ్‌బాస్‌ షోకు సంబంధించిన వివరాలను తమకు నివేదించాలని కేంద్ర, రాష్ట్ర ప్రభుత్వాలను ఆదేశించింది కోర్టు. ఇక తదుపరి విచారణ ఈ నెల 27కు వాయిదా పడింది.

కోర్టులో జడ్జెస్ బిగ్ బాస్ సీజన్ 6 షోలో కొన్ని ఎపిసోడ్స్ ను చూసి ఆ తరవాత డెసిషన్ చెబుదామని అన్నారు.. ఆ లాయర్ ఇప్పుడే ఈ షోలను మీరు చూస్తే అందులో ఉన్న తప్పులు ఏమిటో మీకు అర్థమవుతాయని అన్నారు.. అంతేకాదు వెంటనే అక్కడ ఉన్న టీవీ లో ఆ ఎపిసోడ్స్ లను చూడమని లాయర్ చెప్పగా.. జడ్జ్స్ వాటిని అలా చూడకుండా.. ఆ ఎపిసోడ్లను తర్వాత మేము చూసి నిశితంగా పరిశీలిస్తామని అన్నారు.. జడ్జెస్ అందరి ముందు అలాంటి నిర్ణయం తీసుకోవడానికి కూడా ఓ బలమైన కారణం ఉంది. అదేంటంటే నిజంగా అశ్లీలత ఉందేమో.. ప్రజలందరి ముందు వాటిని చూడటం వలన అందరూ మరింత గొడవ చేసే అవకాశం లేకపోలేదు.. అందుకే ఈ వింతైన నిర్ణయం తీసుకున్నారని అనుకున్నారు..