Samantha: టాలీవుడ్ స్టార్ హీరోయిన్ సమంత ముంబైలో సొంత ఇల్లు కొనుక్కున్నారని గత కొన్ని రోజులుగా జోరుగా ప్రచారం సాగుతోంది. తాజాగా అందుతున్న సమాచారం ప్రకారం అది నిజమే అని తెలుస్తోంది.. ఇప్పుడు అందరూ ఆ ముంబై ఇంటి గురించే మాట్లాడుకుంటున్నారు. దానికి కారణం కూడా ఉంది. అదే సమంత ఇటీవల షేర్ చేసిన సూర్యాస్తమయం ఫోటోలు.. ఈ ఫోటోలు సోషల్ మీడియాలో వైరల్ అవ్వడంతో అసలు విషయం బయట కొచ్చింది..
సమంత తాను ఉంటున్న ప్రదేశం నుండి సూర్యాస్తమయం సమయాన్ని ఓ ఆహ్లాదకరమైన ఫోటోని షేర్ చేసింది. చుట్టుపక్కల ఉన్న ప్రదేశాన్ని ఒక్కసారి పరిశీలిస్తే.. అది ముంబైలోని స్కై స్క్రాపర్ బాల్కనీ నుండి అందమైన ఫోటోలను షేర్ చేసిందని క్లారిటీ గా తెలుస్తోంది. ఆ ఫోటో ఏదైనా 5 స్టార్ హోటల్ లో దిగింది అనుకుంటే పొరపాటు. అది భారీ భవంతుల సముదాయం. బాలీవుడ్ రాజధానిలోని తన నివాస ప్రాంతం నుండి సమంతా ఈ ఫోటోని షేర్ చేసి ఉంటుందని అంతా అనుకుంటున్నారు.
సీ వ్యూయింగ్ తో ఉన్న త్రిబుల్ బెడ్ రూమ్ ఫ్లాట్ ని సమంత కొనుక్కుందని అంతా భావిస్తున్నారు. ముంబైలో రామ్ చరణ్ , అల్లు అర్జున్ తో సహా పలువురు స్టార్ హీరోలు సొంత అపార్ట్ మెంట్స్ కొనుక్కున్నారు అని అప్పట్లో వార్తలు వచ్చాయి. ఇప్పుడు ఆ లిస్ట్ లో సమంత కూడా చేరింది..
సమంత తను ముంబైలో ఇల్లు కొంటున్న సంగతి ఎవరితో చెప్పటం లేదట. ముఖ్యంగా ఈ విషయం అక్కినేని ఫ్యామిలీకి తెలియకుండా చాలా జాగ్రత్తలు తీసుకుందని సమాచారం. ఎందుకంటే అక్కినేని ఫ్యామిలీకి ఆ అపార్ట్మెంట్లో ఒక ఫ్లాట్ కూడా లేదని సమాచారం. అంతేకాదు ఆ దరిదాపుల్లో కూడా అక్కినేని ఫ్యామిలీకి అపార్ట్మెంట్స్ లేవట సమంత ఇదంతా కావాలని సీక్రెట్ గా ప్లాన్ చేసిందట.
సమంత ప్రస్తుతం రాజ్ అండ్ డీకేతో సిటాడెల్ సిరీస్ కోసం ముంబై లో షూటింగ్ లో పాల్గొనుంది. ఆ తర్వాత ఫ్యామిలీ మ్యాన్ సీజన్ 2 వెబ్ సిరీస్ లపైనా పూర్తిగా దృష్టి సారిస్తోంది. అలాగే విజయ్ దేవరకొండ సరసన ఖుషీ చిత్రంలో సమంత సెకండ్ షెడ్యూల్లో పాల్గొనుంది. ప్రస్తుతం సమంత ఆరోగ్య పరిస్థితి నిలకడగా ఉంది అందుకే తను వరుస సినిమా షూటింగ్లో పాల్గొనేందుకు ప్లాన్ చేస్తున్నారట.
