Mahaveerudu.. వరుస బ్లాక్ బాస్టర్ విజయాలతో ఊహించని రేంజ్ లో పాపులారిటీ దక్కించుకుంటున్న శివ కార్తీకేయన్ తాజాగా ఇంటెన్స్ యాక్షన్ ఎంటర్టైలర్ మహావీరుడు సినిమాతో త్వరలో ప్రేక్షకుల ముందుకు రాబోతున్నాడు. మడోన్ అశ్విన్ దర్శకత్వంలో వస్తున్న ఈ సినిమాను శాంతి టాకీస్ పతాకంపై అరుణ్ విశ్వ ప్రతిష్టాత్మకంగా నిర్మిస్తున్నారు. ఇప్పటికే విడుదలైన మహావీరుడు టైటిల్ పోస్టర్ , యాక్షన్ గ్లింప్స్ కి భారీ రెస్పాన్స్ కూడా లభించింది. ఈరోజు మేకర్స్ ఫస్ట్ సింగిల్ “గాన గాన ” పాటని విడుదల చేసి మహావీరుడు మ్యూజికల్ ప్రమోషన్స్ని గ్రాండ్ గా ప్రారంభించారు.
సంగీత దర్శకుడు భరత శంకర్ గానా గానా పాటను మాస్ ఆడియన్స్ను ఆకట్టుకునే విధంగా కంపోజ్ చేశారు. ఈ పాటలో శివ కార్తికేయన్ చేసిన మాస్ మూమెంట్స్ ప్రేక్షకులను అలరించాయి. శివ కార్తికేయన్ కు జోడిగా ఈ సినిమాలో అదితి శంకర్ నటిస్తోంది. ఫస్ట్ సింగిల్ తోనే ప్రేక్షకులను ఆకట్టుకున్న మహావీరుడు సినిమా ప్రేక్షకులను ఎలా అలరిస్తుందో చూడాలి.
