Realme : రియల్ మీ ఈ మధ్య కాలంలో సరికొత్త స్మార్ట్ ఫోన్లను కస్టమర్ల కోసం ప్రవేశపెడుతున్న విషయం తెలిసిందే. ఇక ఈ నేపథ్యంలోనే తాజాగా Realme GT నియో 3T స్మార్ట్ ఫోన్ ను విడుదల చేసింది. ఇక లాంచ్ సమయంలో త్వరలో అంతర్జాతీయ మార్కెట్లోకి విడుదల చేయనున్నట్లు ప్రకటించింది. ఇక ఈ క్రమంలోనే ఈ స్మార్ట్ ఫోను భారతదేశంలో సెప్టెంబర్ 16 మధ్యాహ్నం 12:30 గంటలకు లాంచ్ అవుతుందని కంపెనీ స్పష్టం చేసింది. రియల్ మీ తన అధికారిక వెబ్సైట్ ద్వారా ఈ కొత్త స్మార్ట్ ఫోన్ లాంచ్ ను తెలియజేయడానికి మైక్రో సైట్ ను కూడా రూపొందించడం గమనార్హం.
Realme GT నియో 3T స్మార్ట్ ఫోన్లో 80W ఫాస్ట్ చార్జింగ్ సపోర్ట్ తో వస్తుందని రియల్ మీ సంస్థ వెల్లడించింది. ఈ స్మార్ట్ ఫోన్ మీకు ఆక్టా కోర్ స్నాప్ డ్రాగన్ 870 ప్రాసెసర్ తో పనిచేస్తుంది. ఇక రేసింగ్ ఫ్లాగ్ వెనుక భాగంలో ఉంటుందని కూడా కంపెనీ స్పష్టం చేసింది. ఇకపోతే రియల్ మీ విడుదల చేసిన టీజర్ లో ఈ స్మార్ట్ ఫోన్ 5జి కనెక్టివిటీని కలిగి ఉంటుందని స్పష్టం అవుతుంది. ఇకపోతే రాబోయే రోజుల్లో ఈ స్మార్ట్ ఫోన్ యొక్క మిగతా ఫీచర్లను కూడా క్రమంగా ప్రకటిస్తాము అని రియల్ మీ స్పష్టం చేసింది. ఇకపోతే సెప్టెంబర్ 10వ తేదీన ఈ స్మార్ట్ ఫోన్ యొక్క స్క్రీన్ , రిఫ్రెష్ రేట్ గురించి అన్ని వివరాలను వెల్లడిస్తామని కూడా అధికారిక వెబ్సైట్ ద్వారా రియల్ మీ వెల్లడించింది.
ఈరోజు దీనికి సంబంధించిన మరికొన్ని విషయాలు తెలిసే అవకాశం ఉన్నట్లు సమాచారం. ఈ స్మార్ట్ ఫోన్ 6.62 అంగుళాల E4 AMOLED డిస్ప్లేను కలిగి ఉంటుంది.120 Hz రీఫ్రెష్ రేటుతో, HDR 10+ సపోర్ట్ తో రానుంది. ఇక 8GB ర్యామ్ స్టోరేజ్ తో ఈ స్మార్ట్ ఫోన్ వస్తుంది. ఇక కెమెరా విషయానికే వస్తే.. బ్యాక్ సైడ్ ట్రిపుల్ కెమెరా సెన్సార్లతో 64 మెగా పిక్సెల్ ప్రైమరీ సెన్సార్, 8 మెగాపిక్సల్ అల్ట్రా వైడ్ యాంగిల్ లెన్స్ , 2 మెగాపిక్సల్ మైక్రో లైన్స్ కలిగి ఉంటుంది. అంతేకాదు 16MP సెల్ఫీ కెమెరా కూడా అమర్చబడి ఉంది . 6000 ఎమ్ఏహెచ్ బ్యాటరీని కూడా అమర్చారు.