Vegetable Face Pack : వెజిటేబుల్ ఫేస్ ప్యాక్ వల్ల ఎన్ని ఉపయోగాలో..?

Vegetable Face Pack : తాజా కూరగాయలను మనం తినడం వల్ల అందులో ఉండే పోషక పదార్థాలు పూర్తిస్థాయిలో మన శరీరానికి లభిస్తాయి అని చెప్పవచ్చు. అలాంటి కూరగాయలలో గుమ్మడికాయ ఒకటి అని చెప్పాలి. ఇందులో ఆరోగ్యాన్ని పెంచే ఎన్నో రకాల పోషకాలు మెండుగా లభిస్తాయి. గుమ్మడి కాయలలో ఎక్కువగా విటమిన్ సి లభిస్తుంది. కాబట్టి ఇది చర్మాన్ని మెరుగుపరచడం తోపాటు గుమ్మడి గింజల నుండి తీసిన నూనె కూడా చర్మానికి సంబంధించిన సమస్యలను దూరం చేయడంలో సహాయపడుతుంది. అంతేకాదు పొడిబారడం, మచ్చలు, మొటిమలు , సోరియాసిస్ వంటి చికిత్సలకు గుమ్మడికాయ చాలా చక్కటి పరిష్కారం.

ఇకపోతే గుమ్మడికాయ విత్తనాల నుండి తీసిన నూనె లో మెగ్నీషియం, జింక్ వంటి పోషకాలు ఉండటం వల్ల జుట్టు మరియు చర్మ సంరక్షణకు సహాయపడతాయి. ఇకపోతే ఎండాకాలంలో నల్లగా మారిన మీ ముఖాన్ని తెల్లగా మార్చుకోవడం అంటే గుమ్మడికాయ కలయికతో కొన్ని రకాల కాంబినేషన్స్ తో తయారు చేసిన ఫేస్ ప్యాక్ ను ఉపయోగించడం వల్ల మీ చర్మం ఎప్పటిలాగే నిగనిగలాడుతూ ఉంటుంది..ఒక కప్పులో బాగా తురిమిన గుమ్మడికాయ ముక్కలను తీసుకుని .. ఒక కప్పు బ్రౌన్ షుగర్ అలాగే ఒక టేబుల్ స్పూన్ తేనె రెండు చుక్కల వెనిల్లా ఎక్స్ట్రాక్ట్ తో పాటు ఒక టేబుల్ స్పూన్ ఆలివ్ ఆయిల్ తీసుకొని అన్నీ ఒక బౌల్ లో వేసి బాగా మిక్స్ చేయాలి.

ఇక దీనిని ముఖంపై అప్లై చేసి స్క్రబ్లా గా రుద్దుతూ పదినిమిషాలు ఉండడం వల్ల ముఖంపై పేరుకుపోయిన మృత కణాలు తొలగిపోయి చర్మం మృదువుగా తయారవుతుంది.అంతేకాదు ఒక కప్పు తరిగిన గుమ్మడికాయ ముక్కలకు ఒక టేబుల్ స్పూన్ తేనె ఒక టేబుల్ స్పూన్ ఆపిల్ సైడర్ వెనిగర్ ఒక గుడ్డు వేసి బాగా మెట్టడి పేస్ట్ లా చేయాలి. దీన్ని ముఖంపైన అప్లైచేసి ఇరవై నిమిషాల పాటు అలాగే ఉంచాలి. ఇక పూర్తిగా నీటితో శుభ్రం చేస్తే మీ ముఖం కాంతివంతంగా మారడంతో పాటు మొటిమలు కూడా దూరమవుతాయి.