1. మెంతులు:
మెంతులు జుట్టు ఆరోగ్యాన్ని మెరుగు పరచడానికి చాలా బాగా సహాయపడుతాయి. అంతేకాదు జుట్టును ఆరోగ్యంగా , ఒత్తుగా పెరగడానికి కూడా ఉపయోగపడతాయి. అందుకే మెంతులను ఆహారంలో ఒక భాగం చేసుకోవడం వల్ల కనుబొమ్మలు ఒత్తుగా పెరుగుతాయి.మెంతులను రాత్రంతా నానబెట్టి మెత్తటి పేస్ట్ లా చేసి కనుబొమ్మల పైన అప్లై చేస్తూ ఉంటే కనుబొమ్మలు ఒత్తుగా పెరుగుతాయి.
2. కోడిగుడ్డు:
కనుబొమ్మల వెంట్రుకలు కెరటిన్ అనే ప్రోటీన్ తో తయారవుతాయి. అలాంటి ప్రోటీన్ కావాలి అంటే మనం గుడ్లు ఖచ్చితంగా తీసుకోవాలి. గుడ్డులోని పచ్చసొనలో బయోటిన్ పుష్కలంగా లభిస్తుంది కాబట్టి ఇది కనుబొమ్మలు పెరగడానికి సహాయపడుతుంది.
3. పెట్రోలియం జెల్లీ:
ఈ పెట్రోలియం జెల్లీని రాత్రి పడుకునే ముందు కనుబొమ్మల పై అప్లై చేయడం వల్ల ఒత్తుగా, నల్లగా కనుబొమ్మలు పెరుగుతాయి. ఇందులో ఉండే పెట్రోలేట్ అనే సమ్మేళనం తేమను ప్రవహించకుండా నిరోధిస్తుంది. ఫలితంగా కనుబొమ్మలు పొడవుగా, ఒత్తుగా పెరుగుతాయి.
4. కలబంద:
వెంట్రుకలు పెరగడానికి కలబంద బాగా సహాయపడుతుందని అందరికీ తెలిసిన విషయమే. కాబట్టి అలోవెరా జెల్ తీసుకొని కనుబొమ్మలకు అప్లై చేయడం వల్ల కనుబొమ్మలు చాలా ఒత్తు గా పెరుగుతాయి.
5. నిమ్మకాయ:
నిమ్మకాయ రసాన్ని కనుబొమ్మల పై రుద్ది 20 నిమిషాలు అలాగే ఉంచాలి. గోరువెచ్చని నీటితో శుభ్రం చేసుకోవాలి. తర్వాత కొద్దిగా కొబ్బరి నూనెను అప్లై చేయాలి ఇలా ప్రతిరోజూ పడుకునేముందు రాస్తే తప్పకుండా ఒత్తైన కనుబొమ్మలు మీ సొంతమవుతాయి.
6. విటమిన్ ఈ:
విటమిన్ ఈ కూడా మార్కెట్లో మనకు అందుబాటులో ఉంది. ఇక దీనిని రాత్రి పడుకునే ముందు చిన్నగా చేతిలోకి తీసుకొని ఈ విటమిన్ జెల్ ను కనుబొమ్మలకు అప్లై చేసి నిద్రపోవాలి. ఉదయాన్నే శుభ్రం చేసుకోవాలి ఇలా చేసినా కూడా కనుబొమ్మలు ఒత్తుగా పెరుగుతాయి.