Bigg Boss 6 Telugu : బిగ్ బాస్ 6 సీజన్ విన్నర్ నేనే అని ఎగురుతోన్న రేవంత్ కి దిమ్మతిరిగే దెబ్బ !

Bigg Boss 6 Telugu : బిగ్ బాస్ సీజన్ 6 మొదలైనప్పటి నుంచి ఈ టైటిల్ నాదే.. మీరంతా పక్కకు వెళ్లి ఆడుకోండి అంటున్నాడు రేవంత్. మనోడిలో కాన్ఫిడెన్స్ ఆ రేంజ్‌లో ఉంది. అయితే కాన్ఫిడెన్స్ మంచిదే కానీ ఓవర్ కాన్ఫిడెన్స్ మాత్రం మంచిది కాదనే రేవంత్‌కు నాగార్జున కూడా వార్నింగులు ఇస్తున్నాడు. అయినా కూడా ఈయనలో ఏ మాత్రం మార్పు రావడం లేదు. గేమ్ బాగానే ఆడుతున్నా.. మనోడిలో ఉన్న కొన్ని అతి లక్షణాలు ఓట్ల విషయంలో తేడా వచ్చేలా చేస్తున్నాయి. నామినేషన్స్‌లో ఉన్న ప్రతీసారి సేవ్ అవుతున్నాడు కానీ రేవంత్‌కు పోటీగా మరో ఇద్దరు కూడా ఇంట్లో దూసుకుపోతున్నారు. ఈ ఇద్దరి నుంచి కచ్చితంగా రేవంత్‌కు చివరి వరకు పోటీ తప్పేలా లేదు. బిగ్ బాస్ ఇంట్లోకి అడుగుపెట్టిన ప్రతీ ఒక్క కంటెస్టెంట్ ముందుగా అనుకునేది..

వీలైనన్ని ఎక్కువ రోజులు అక్కడ ఉండాలి.. తనకు బాగా గుర్తింపు రావాలి.. దాంతో పాటు డబ్బులు కూడా బాగా రావాలని కోరుకుంటారు. ఈ సారి కూడా కంటెస్టెంట్స్ అంతా అదే చేస్తున్నారు. వచ్చిన ప్రతీ ఒక్కరు పేరుతో పాటు డబ్బులు కూడా కావాలంటున్నారు. అయితే రేవంత్ మాత్రం తనకు టైటిల్ కావాలంటున్నాడు. డబ్బులు గిబ్బులు తర్వాత.. ముందు టైటిల్ నేనే కొడతా చూడండి అంటున్నాడు. అందుకే ఇంట్లో ఎవరెన్ని అన్నా కూడా తనను తను మార్చుకునే ప్రయత్నం చేస్తున్నాడు. కాకపోతే రేవంత్‌లో ఉన్న ఒకే ఒక మైనస్ పాయింట్.. తన గురించి తాను ఎక్కువగా ఊహించుకోవడం.. ఓవర్ కాన్ఫిడెన్స్. అదే అతడి కొంప ముంచేలా కనిపిస్తుంది. ఎందుకంటే ఇంట్లో రేవంత్‌కు పోటీగా శ్రీహాన్ ఉన్నాడు. మనోడు చాలా సైలెంట్.. అనవసరపు విషయాల్లో వేలు పెట్టడు.. తన వరకు వస్తే వదిలి పెట్టడు.. ఓ గేమర్‌కు ఉండాల్సిన లక్షణం ఇదే అంటున్నారు.

Bigg Boss 6 Telugu : రేవంత్‌కు పోటీ ఇచ్చేదెవరంటే..?

అందుకే ఓట్ల విషయంలో రేవంత్‌కు ప్రతీసారి పోటీ ఇస్తున్నాడు శ్రీహాన్. గీతూ సైతం గేమ్ బాగానే ఆడుతున్నా.. ఈ పిల్లకు నోరే శాపం. ఇష్టమొచ్చినట్లు మాట్లాడి తన గేమ్ తానే నాశనం చేసుకుంటుంది. రివ్యూవర్ ఆదిరెడ్డి మాత్రం గేమ్‌లో రచ్చ చేస్తున్నాడు. సోషల్ మీడియాలో ఈయన గురించి చర్చ బాగానే జరుగుతుంది. ఈయన ఆటతీరు చూస్తుంటే తప్పకుండా టాప్ కంటెస్టెంట్స్‌లో ఒకడిగా నిలుస్తాడని చెప్తున్నారంతా. అంతేకాదు ఓటింగ్ విషయంలోనూ రేవంత్, శ్రీహాన్‌కు పోటీగా వస్తున్నాడు. కేవలం యూట్యూబ్‌లో రివ్యూలు చెప్పుకొనే వాడు వచ్చి ఏకంగా నెంబర్ 1 కంటెస్టెంట్‌గా ఉన్న రేవంత్‌కు పోటీ ఇస్తే అంతకంటే అద్బుతం మరోటి ఉండదు. ఇప్పుడిదే జరుగుతుంది. మరి చివరి వరకు అలాగే ఉంటే మాత్రం విన్నర్ నేనే అని ఎగురుతున్న రేవంత్‌కు పెద్ద షాకే అవుతుంది